ஆசை

இனியவளே!

உன் விரல் பிடித்து

வீதியில் நடக்க வேண்டும்;

தோளோடு தோள் சாய்ந்து

சலிக்காமல் கவிதை

உன்னிடம் சொல்ல வேண்டும்;

நான் கொடுத்த

ஒற்றை ரோஜா

உன் கூந்தலில் ஏற வேண்டும்;

அந்தி வானத்தில்

நீயும் நானும்

இரத்த சூரியனை ரசிக்க வேண்டும்;

எண்ணி எண்ணி கலைத்து

விடப்பட்ட விண்மீனை

நீ சொல்லி

திரும்ப எண்ண வேண்டும்;

வானத்தின்

ஏழு வண்ண் ஓவியமாம்

வானவில்லை

நானும் நீயும் ரசிக்க வேண்டும்;

காலையில்

என் விழி விழிக்கும் போது

உன் விழி இருக்க வேண்டும்

என்றெல்லாம்

ஆசைப்பட்டேன்;

ஆனால்

இன்று

பேசினால் மட்டும் போதுமே!